Подзаконски акти

Во јуни , Комисијата за хартии од вредност на Република Македонија по завршена јавна расправа го усвои Правилникот за дополнување на Правилникот за начинот и условите за обука и полагање на посебен стручен испит за инвестиционо советување.

Решенија за емисии на акции

Комисијата за хартии од вредност на Република Македонија на Евроинс Осигурување АД Скопје му даде одобрение да издаде долгорочни хартии од вредност по пат на приватна понуда. Со седмата емисија, Евроинс Осигурување АД Скопје издаде 732 обични акции со продажна цена од 31.530 денари по акција.Вкупниот продажен износ на емисијата е 23.079.960 денари. Акциите се наменети за познат купувач и тоа за институционалниот инвеститор и постојан акционер Еуроинс Иншуранс Груп ЕАД, Софија, Република Бугарија. Исто така, КХВ на Друштвото за управување со инвестициски фондови КД Фондови АД Скопје му ја одобри четвртата емисија на 20.000 обични акции со вкупна вредност од 200.000 евра. Четвртата емисија на обични акции е наменета за познат купувач-постојан акционер на ДУИФ-от и тоа за институционалниот инвеститор КД Склади Дружба за управљање доо Љубљана.

Регистар на акционерски друштва со посебни обврски за известување

Во јуни , КХВ донесе решенија за бришење на 29 акционерски друштва од Регистарот на акционерски друштва со посебни обврски за известување, поради прием на котација на официјалниот пазар на Македонска берза АД Скопје на подсегментот задолжителна котација и едно решение за бришење на друштво од Регистарот на акционерски друштва со посебни обврски за известување поради стечај.

Дозволи за брокери

Комисијата за хартии од вредност на Република Македонија обнови една дозвола за брокер и тоа на Даринка Дамјановиќ вработена во Централниот депозитар за хартии од вредност АД Скопје.

Дозволи за инвестициски советници

Комисијата за хартии од вредност на Република Македонија обнови две лиценци за инвестициски советник . Станува збор за лицата: Горан Марковски; Благој Митров;

Согласности за директори на овластени учесници на пазарот на хартии од вредност

Комисијата за хартии од вредност на Република Македонија даде согласност Кирил Митровски повторно да биде именуван за директор на брокерската куќа Инвестброкер АД Скопје со мандат од четири години.

Супервизоски активности

Во јуни, Комисијата за хартии од вредност на Република Македонија даде согласност на Одлуката за изменување и дополнување на Тарифникот за висината на надоместоците на Македонската Берза АД Скопје.

Спроведени контроли

Комисијата за хартии од вредност и во јуни секојдневно он-лине во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал спроведе 2 (две) вонредни контроли на овластени учесници на пазарот на хартии од вредност.

Меѓународна соработка

На 11 јуни 2013 година Претседателот на Комисијата за хартии од вреднoст на Република Македонија М-р Елизабета Чингаровска оствари билатерална средба со Претседателот на Комисијата за хартии од вреднoст на Република Србија Д-р Зоран Чировиќ во Белград .На разговорите се констатираше дека соработката меѓу двете регулаторни тела е добра особено во делот на надзорот и контролата, но и дека има простор за унапредување пред се од аспект на консултатските услуги и едукацијата на инвеститорите. Претставници на Комисијата за хартии од вредност на Република Македонија во периодот од 3 до 8 јуни 2013 година, беа во посета на Португалската комисија за хартии од вредност Comissao do Mercado de Valores Mobiliario. Во рамки на посетата беше презентирана законската и структурната поставеност на Португалската комисија. Преку конкретни предмети беше прикажана примената на законската регулатива за пазарот на капитал, како и соработката, коресподенцијата и обврските на португалската комисијата спрема ЕСМА и IOSCO од аспект на земја членка на Европска Унија. Oваа посета на Португалската комисија за хартии од вредност е под покровителство на Европската Комисија- Директоратот за проширување преку TAIEX Програмата.