Решенија за емисии на акции

Комисијата за хартии од вредност на Република Македонија му дозволи на Тутунски Комбинат АД Прилеп да издаде трета емисија на долгорочни хартии од вредност по пат на приватна понуда. Станува збор за 637.778 обични акции во вредност од 32.609.589,14 евра. Акциите од третата емисија се издаваат по продажна цена која е еднаква на нивната номинална вредност. Емисијата по пат на приватна понуда се врши на тој начин што Република Македонија ги презема акциите од новата емисија, а побарувањата по основ на јавни давачки што државата ги има кон Тутунски Комбинат АД Прилеп ги претвора во трајни влогови во друштвото. На овој начин се намалува долгот кој Тутунски Комбинат АД Прилеп го има кон Република Македонија по основ на јавни давачки. Оваа постапка се спроведува согласно Законот за претворање на побарувањата на Република Македонија по основ на јавни давачки во траен влог во друштвата АД Органско хемиска индустрија Наум Наумовски –Борче АД Скопје, Тутунски Комбинат АД Прилеп и Друштво за производство на производи со посебна намена 11 Октомври-Еурокомпозити АД Прилеп. КХВ даде одобрение Македонски енергетски ресурси АД Скопје да ја зголеми основната главнина преку издавање на 2.430 нови обични акции со вкупна продажна вредност од 243.000 евра. Втората емисија на акции е наменета за постојниот акционер-Влада на Република Македонија, а истата се врши заради создавање услови за непречно функционирање, како и можности за проширување на дејноста на друштвото.

Регистар на акционерски друштва со посебни обврски за известување

Во октомври, вкупно активни акционерски друштва се 146. Во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери или се котирани на овластената берза, односно исполнувањето на било кој од овие услови поединечно од страна на едно акционерско друштво, значи негово запишување во Регистарот на Комисијата.

Дозволи за брокери

Комисијата за хартии од вредност на Република Македонија му ја обнови дозволата за работење како брокер на лицето Горан Поповски, вработен во Стопанска Банка АД Скопје-Дирекција за работа со хартии од вредност и брокерско - посреднички услуги.

Спроведени контроли

Комисијата за хартии од вредност и во октомври секојдневно он-лине во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал спроведе три вонредни контроли.

Активности по барања на акционери за заштита на правата

Секторот за супервизија на пазарот на капитал во октомври постапуваше по 3 (три) барања за заштита на акционерски права.

Санкции

Комисијата за хартии од вредност на Република Македонија трајно и ја одзема дозволата за вршење на услуги со хартии од вредност на брокерската куќа Битола Брокер АД Битола, поради донесена одлука за престанок со работа на брокерската куќа од страна на Собранието на акционери. Истовремено, со трајното одземање на дозволата за работа на Битола Брокер АД Битола се исполнија условите за отворање на ликвидација на брокерската куќа, за што Комисијата поведе постапка пред надлежниот суд. Комисијата за хартии од вредност на Република Македонија согласно Законот за хартии од вредност ги задолжи Македонската берза АД Скопје и Централниот депозитар за хартии од вредност АД Скопје веднаш по приемот на решението од КХВ трајно да ја исклучат од членство брокерската куќа Битола Брокер АД Битола.

Меѓународна соработка

Комисијата за хартии од вредност на Република Македонија во периодот од 30 - 31 октомври 2012 година учествуваа на конференција на темаIndependence of Financial Sector Regulators: Reemphasized (from the perspective of the EU integration and the lessons learned from the recent global financial crisis) во организација на - Албанија во Тирана, Република Албанија.