Регистар на акционерски друштва со посебни обврски за известување

Во јуни, вкупно активни акционерски друштва се 146. Во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери или се котирани на овластената берза, односно исполнувањето на било кој од овие услови поединечно од страна на едно акционерско друштво, значи негово запишување во Регистарот на Комисијата.

Приватни инвестициски фондови

Комисијата за хартии од вредност на Република Македонија, согласно Законот за инвестициски фондови запиша нов приватен фонд во Регистарот на приватни фондови што го води Комисијата. Станува збор за Micro Investment Fund со кој ќе управува Друштвото за управување со приватни фондови СПМГ Цапитал ДООЕЛ Скопје. По Small Investment Fund, ова е втор приватен фонд на СПМГ Цапитал ДООЕЛ Скопје. Со запишувањето на Micro Investment Fund, во Република Македонија функционираат 14 приватни фондови. Според Законот за инвестициски фондови, овие приватни фондови Комисијата само ги запишува во Регистарот, но не дава согласност за нивното основање, ниту пак спроведува контрола и надзор врз работењето.

Дозволи за брокери

КХВ обнови две лиценци за брокер, едната на вработен во брокерската куќа “Иново брокер“ АД Скопје, другата на вработен во брокерската куќа “Еурохаус“ АД Скопје.

Дозволи за инвестициски советници

Во јуни, КХВ даде една дозвола за инвестициски советник.

Супервизорски активности

Комисијата за хартии од вредност на Република Македонија даде согласност на измените на Статутот на Друштвото за управување со инвестициски фондови “Илирика Фунд Менаџмент“ АД Скопје, со кои се менува седиштето на друштвото.

Спроведени контроли

Комисијата за хартии од вредност и во јуни секојдневно он-лине во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал спроведе една редовна контрола на овластен учесник на пазарот на хартии од вредност .

Активности по барања на акционери за заштита на правата

Секторот за супервизија на пазарот на капитал во јуни постапуваше по 3 (три) барања за заштита на акционерски права.

Меѓународна соработка

Претставници на Комисијата за хартии од вредност на Република Македонија од 26 јуни до 30 истиот месец,2012 година беа во работна посета на Француската Комисија за хартии од вредност. Во Париз, учествуваа на состаноци во организација на AFM- Република Франција, во врска со нивното искуство за: супервизија на берзата, депозитарот, инвестициските друштва, инвестициските фондови; методите за проценка и пресметување на капиталната адекватност на инвестициските друштва; софтверските решенија кои ги користат за супервизија и финансиска анализа; имплементацијата на европските директиви во областа на пазарот на капитал во нивното законодавство. Оваа обука беше под покровителство на Европската Комисија-Директоратот за проширување преку TAIEX Програмата.