Регистар на акционерски друштва со посебни обврски за известување

Во април, вкупно активни акционерски друштва се 149. Во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери или се котирани на овластената берза, односно исполнувањето на било кој од овие услови поединечно од страна на едно акционерско друштво, значи негово запишување во Регистарот на Комисијата.

Дозволи за брокери

Комисијата за хартии од вредност на Република Македонија му издаде дозвола за работење како брокер на Филип Јаневски. Исто така, во април КХВ обнови и две лиценци за брокер и тоа на Катерина Илиќ Нонкуловска и Емилија Вукиќевиќ,и двете вработени во Стопанска Банка АД Скопје-Дирекција за работа со хартии од вредност и брокерско - посреднички услуги.

Дозволи за инвестициски советници

Во април, КХВ даде една дозвола за инвестициски советник и тоа на Филип Јаневски.

Спроведени контроли

Комисијата за хартии од вредност и во април секојдневно он-лине во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал спроведе три редовни и една вонредна контрола на овластени учесници на пазарот на хартии од вредност .

Активности по барања на акционери за заштита на правата

Секторот за супервизија на пазарот на капитал во април постапуваше по 1 (едно) барање за заштита на акционерски права.

Меѓународна соработка

Претставници на Комисијата за хартии од вредност на Република Македонија од Секторот за супервизија на пазарот на капитал во периодот од 15 до 26 април 2012 година учествуваа на обука во Вашингтон, САД, организирана од Американската Комисија за хартии од вредност . На 2012 International Institute for Securities Market Development беше дискутирано за предизвиците со кои се соочуваат регулаторите на пазарите за хартии од вредност во земјите во развој, за пазарни манипулации, инсајдерско тргување, за примена на IFRS и IAS. Исто така, во април, претставник на Комисијата за хартии од вредност на Република Македонија ја следеше Обуката за имплементација на принципи на добро корпоративно управување и примена на систем за супервизија на пазарни учесници заснован на ризици, што се одржа во Будва, Црна Горна во периодот 22-27 април 2012 година.