Подзаконски акти

Комисијата за хартии од вредност на Република Македонија го усвои Правилникот за изменување и дополнување на Правилникот за критериумот за рангирање на субдепозитарна банка на инвестициски фонд. Овој акт е од времен карактер.

Преземање на акционерски друштва со посебни обврски за известување

Комисијата за хартии од вредност на РМ даде дозвола физичките лица Марија Толеска и Наташа Толеска да дадат понуда за откуп на сите акции, издадени од Тајмиште АД Кичево. Понудата за откуп се однесува на 17.917 обични акции со право на глас и на 2451 приоритетни кумулативни акции. Понудувачот се обврзува да ги откупи хартиите од вредност по цена од 1550 денари по акција. За таа намена, понудувачот има депонирани средства на сметка на ЦДХВ и обезбедено две банкарски гаранции. Најмалата количина на акции со право на глас на кои се однесува понудата за откуп што треба да биде прифатена за да се смета за успешна е 26% од обичните акции со право на глас,односно 6.211 обични акции.

Регистар на акционерски друштва со посебни обврски за известување

Во октомври, вкупно активни акционерски друштва се 154. Во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери или се котирани на овластената берза, односно исполнувањето на било кој од овие услови поединечно од страна на едно акционерско друштво, значи негово запишување во Регистарот на Комисијата.

Дозволи за инвестициски советници

Во октомври КХВ беа издадени две дозволи за инвестициски советник и тоа на ГоранПоповски и на Катерина Илиќ Нонкуловска.

Спроведени контроли

Секторот за супервизија на пазарот на капитал во октомври спроведе четири редовни контроли на брокерски куќи и една редовна контрола на инвестициски фонд.

Согласности за директори на овластени учесници на пазарот на хартии од вредност

Комисијата за хартии од вредност на Република Македонија едногласно донесе решение со кое не даде согласност Стеван Шапчески да биде повторно именуван за директор на Централниот депозитар за хартии од вредност АД Скопје. Комисијата за хартии од вредност оцени дека поради досега изречените мерки на предложениот кандидат му е нарушен интегритетот за функцијата директор и со такво поведение согласно Законот за хартии од вредност и Правилникот за начинот и постапката на давање согласност за именување на директор на депозитар з ,''; а хартии од вредност не може да биде директор на Централниот депозитар за хартии од вредност АД Скопје. Според евиденцијата на КХВ против Стеван Шапчески како директор на ЦДХВ АД Скопје изречени се повеќе санкции од кои неколку се времени одземања на согласноста за директор во траење од 30 работни дена. Имено, Стеван Шапчески до Комисијата поднесе барање за добивање согласност за именување за директор на ЦДХВ, бидејќи во ноември оваа година му истекува мандатот. Стеван Шапчески на ова акционерско друштво е директор од октомври 2001 година.

Меѓународна соработка

Претседателот на Комисијата за хартии од вредност на Република Македонија Марина Наќева Кавракова учествуваше на ,''2011 IOSCO Emerging Market Committee Annual Meeting,кој се одржа во периодот од 14-21 октомври 2011 година,во Пунта Кана, Доминиканска Република.