Подзаконски акти кои произлегуваат од Законот за хартии од вредност

Комисијата за хартии од вредност на Република Македонија, во април по завршена јавна расправа го усвои Правилникот за изменување и дополнување на Правилникот за постапката за обновување на дозволата за работење на брокер.Исто така, усвоени се и следните Предлог Правилници: 1. Предлог Правилник за формата, содржината и начинот на издавање и одземање на службена легитимација и 2. Предлог Правилник за хартиите од вредност и другите финансиски инструменти во кои може да се вложуваат средствата на клиентот при вршење на услугата управување со портфолио по налог и за сметка на индивидувален клиент; Овие два правилника се ставени на веб страницата на Комисијата за хартии од вредност на Република Македонија кои се достапни на јавноста за коментари и сугестии.

Решенија за емисии на акции

Комисијата за хартии од вредност на Република Македонија ја одобри третата емисија на акции на НЛБ Нов Пензиски фонд АД Скопје по пат на приватна понуда." Со третата емисија на акции, НЛБ; ; " Нов пензиски фонд АД Скопје" ќе издаде 1.2" 00 обични акции со номинална вредност од 100 евра по акција.Емисијата " се врши заради зголемување на основната главнина и тоа " со парични влогови. Акциите се " наменети " за> институционалните инвеститори - постојни акционери на НЛБ Нов Пензиски фонд АД Скопје.

Дозволи за брокери

Комисијата за хартии од вредност на Република Македонија во април им ги обнови дозволите за брокери на следните лица: 1.Маја Ивановска Стефановска; 2.Борис Волкан; 3.Илчо Лазаревски; 4.Иван Штериев; 5.Евита Иванова; 6.Елена Јакимовска Петровска; 7.Виолета Симјановска; 8.Антонио Панев; 9.Драган Анастасовски;

Дозволи за инвестициски советници

КХВ во април на лицето Ристо Битковски му издаде дозвола за работење како инвестициски советник.

Супервизорски активности

КХВ даде согласност на измените и дополнувањата на Статутот на Централниот депозитар за хартии од вредност АД Скопје. Со нив: Се дава можност акционер на ЦДХВ да се стекне со акции без ограничување, доколку ги исполни утврдените законски услови за квалификувано учество, наспроти сегашниот максимум од 15 %, се воведува можност ЦДХВ освен со државни хартии од вредност да се стекнува и со сопствени хартии од вредност и му се забранува на Извршниот директор на ЦДХВ да ги пренесува своите овластувања на трети лица.

Спроведени контроли

Комисијата за хартии од вредност и во април секојдневно оn-line во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал спроведе вкупно три контроли на брокерски куќи и тоа две редовни и една вонредна , како и една контрола на акционерско друштво со посебни обврски за известување.

Активности по барања на акционери за заштита на правата

Секторот за супервизија на пазарот на капитал во април постапуваше по шест барања за заштита на акционерски права.

Меѓународна соработка

Претседателот на Комисијата за хартии од вредност на Република Македонија Марина Наќева Кавракова учествуваше на 36-тата конференција на Меѓународната организација на Комисиите за хартии од вредност - IOSCO што се одржа во периодот од 15 до 21 април во CapeTown, South Africa. Во оваа пригода, Генералниот секретар на IOSCO Господин Грег Танзер на Претседателот на КХВ Марина Наќева Кавракова и ја врачи Резолуцијата на Групата за носење одлука со која Комисијата за хартии од вредност стана потписник на " мултилатералниот Меморандум за разбирање при консултациите, соработката и размената на информации> " (MMoU) помеѓу регулаторите на пазарот на капитал во земјите-членки на IOSCO и тоа во листа А. Со тоа, како полноправен член, Комисијата за хартии од вредност на Република Македонија активно учествува во работата на IOSCO, почитувајќи ги целите на организацијата : меѓусебна соработка во насока на промовирање на регулатива со високи стандарди заради одржување ефикасни и сигурни пазари; размена на искуства за да се промовира развојот на домашните пазари; обединување на напорите за воспоставување стандарди и ефективна контрола на меѓународните трансакции со хартии од вредност; обезбедување меѓусебна помош за промовирање на интегритетот на пазарите со ригорозна примена на стандардите и со ефективно санкционирање на прекршоците.