Подзаконски акти кои произлегуваат од Законот за хартии од вредност

Комисијата за хартии од вредност на Република Македонија во јануари ги усвои следните Правилници: -Правилник за изменување и дополнување на Правилникот за содржината на месечниот извештај за работењето на овластено правно лице со дозвола за работење со хартии од вредност; -Правилник за изменување и дополнување на Правилникот за утврдување на категориите на сопствени средства и начинот на пресметување на износот и структурата на влоговите при основање и средствата од активата на овластено правно лице со кои треба да располага и во континуитет;

Решенија за емисија на хартии од вредност

Комисијата за хартии од вредност на Република Македонија во јануари на Комерцијална Банка АД Скопје и одобри да ја емитува шестата емисија на акции по пат на јавна понуда заради зголемување на почетниот капитал на банката и обезбедување на оптимална адекватност на капиталот во наредниот период. Со шестата емисија се издаваат 265.000 обични акции во износ од 927.500.000 денари. Исто така, КХВ му одобри на Друштвото за управување со инвестициски фондови КД Фондови АД Скопје да ја емитува втората емисија на акции по пат на приватна понуда заради зголемување на основната главнина. Со втората емисија се издаваат 19.200 обични акции во износ од 192.000 евра. Новоиздадените акции се наменети за постојниот акционер, институционален инвеститор КД Склади дружба за управљање доо Љубљана и за 4 (четири) нови инвеститори - физички лица.

Согласности за директори на брокерски куќи

Комисијата за хартии од вредност на Република Македонија даде согласност за именување на Лидија Трајковиќ за извршен директор на Фершпед Брокер АД Скопје.

Дозволи за брокери

Комисијата даде согласност за обновување на дозволата за работење на брокери кои се вработени во Поштел Брокер АД Скопје , Комерцијална Банка АД Скопје- Дирекција за вршење на услуги со хартии од вредност, Фершпед Брокер АД Скопје, Ауктор и Хита АД Скопје и Еуро Брокер АД Скопје. Станува збор за : 1.Жарко Атанасовски; 2.Глигор Павловски; 3.Тони Павловски; 4.Ѓоко Алексовски; 5.Драган Лесиќ; 6.Горан Ковачевиќ; 7.Марија Штерјова; 8.Ѓорѓи Палевски;

Дозволи за инвестициски советници

Комисијата за хартии од вредност на Република Македонија на Ѓорѓи Палевскиму даде дозвола за инвестициски советник .

Спроведени контроли

Комисијата за хартии од вредност и во декември секојдневно оn-line во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал спроведе 3 (три) контроли и тоа една на Македонската берза АД Скопје, Централниот депозитар за хартии од вредност и на една брокерска куќа.

Активности по барања на акционери за заштита на правата

Секторот за супервизијана пазарот на капитал во јануарипостапуваше по 1 (едно) барање за заштита на акционерски права.

Санкции

А)Брокерски куќи -КХВ изрече јавна опомена на брокерските куќи и на директорите на брокерските куќи Ауктор и Хита АД Скопје и на Комерцијална Банка АД Скопје-Дирекција за вршење на услуги со хартии од вредност, поради задоцнето порамнување на трансакции со хартии од вредност; - Комисијата изрече глоба заради неодржување на основната главнина на брокерската куќа Поштел Брокер АД Скопје; Б) Брокери КХВ изрече санкции на следните брокери: - На директорот на брокерската куќа Фершпед Брокер АД Скопје Младен Дамев, КХВ му ја одзеде дозволата за работа на брокер; -КХВ изрече привремена забрана за работа од 30 календарски денови на брокерот Методија Ивановски, вработен во брокерската куќа Пеон Брокер АД Скопје; - Комисијата изрече јавна опомена на брокерот Миомир Алексовски, вработен во брокерската куќа Поштел Брокер АД Скопје.

Санкции изречени заради кршење на Законот за превземање на акционерски друштва

Комисијата за хартии од вредност на Република Македонија донесе одлука за одземање на правото на глас и дивиденда на акционери кои стекнале акции во Тајмиште АД Кичево, спротивно на Законот за превземање на акционерски друштва.

Регистар на акционерски друштва со посебни обврски за известување

Во јануари , вкупно активни акционерски друштва се 156. Како што е познато, во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери или се котирани на овластената берза, односно исполнувањето на било кој од овие услови поединечно од страна на едно акционерско друштво, значи негово запишување во Регистарот на Комисијата.