Подзаконски акти кои произлегуваат од Законот за хартии од вредност

КХВ на РМ во декември ги разгледа и усвои следниве предлог Правилници кои произлегуваат од Законот за хартии од вредност ; -Предлог-Правилник за изменување и дополнување на Правилникот за за формата и содржината на годишните, полугодишните, тримесечните и тековните извештаи, резимето од годишните извештаи, материјали за акционерски собранија на акционерските друштвата со посебни обврски за известување кои се водат во Регистарот на Комисијата за хартии од вредност; -Предлог-Правилник за изменување и дополнување на Правилникот за постапката и условите за достапност на податоци од издавач на хартии од вредност и од акционерските друштва со посебни обврски за известување; -Предлог-Правилник за изменување и дополнување на Правилникот за начин и време на запишување и бришење на акционерско друштво, содржина и начин на водење, ажурирање на податоците и пристап на јавноста до Регистарот на акционерски друштва со посебни обврски за известување ; -Предлог-Упатство за изменување и дополнување на Упатството за за начинот и постапката за внесување, промена и зачувување на податоците на веб страницата на Комисијата за хартии од вредност на Република Македонија и Регистар на акционерски друштва со посебни обврски за известување; -Предлог Правилникот за измена и дополнување на Правилникот за начинот и условите за обука и полагање на посебен стручен испит за инвестиционо советување; Овие Предлог подзаконски акти одат на јавна расправа ,каде заинтересираните можат да ги дадат своите забелешки .

Решенија за емисија на хартии од вредност

Комисијата за хартии од вредност на Република Македонија и одобри на Алфа Банка АД Скопје да ја емитува деветата емисија на акции по пат на приватна понуда заради зголемување на почетниот капитал. Со деветата емисија се издаваат 3.075 обични акции во износ од 369.000.000 денари. Новоиздадените акции се наменети за постојниот и единствен акционер, институционален инвеститор ALPHA BANK A.E-Атина, Р.Грција. Исто така, Комисијата и одобри на Централна Кооперативна Банка АД Скопје да ја емитува 14-тата емисија на 233.944 обични акции во вкупен износ од 593.795.205 денари за зголемување на почетниот капитал/основната главнина на банката, заради присоединување на Статер Банка АД Куманово кон Централна Кооперативна Банка АД Скопје.

Согласности за директори на брокерски куќи

Комисијата даде согласност за именување на Катерина Илиќ Нонкуловска за директор на Дирекцијата за работа со хартии од вредност и брокерско-посреднички услуги на Стопанска банка АД Скопје и на Горан Поповски за помошник директор на Дирекцијата за работа со хартии од вредност и брокерско-посреднички услуги на Стопанска банка АД Скопје. COLOR: red

Дозволи за брокери

Комисијата даде согласност за обновување на дозволата за работење на брокери на вработени во Инвестброкер АД Скопје и Бро-Дил АД Скопје. Станува збор за: Маја Костиќ, Кирил Митровски, Зоран Трифуновски, Искра Костова и Дарко Јовановски;

Спроведени контроли

Комисијата за хартии од вредност и водекември секојдневно оn-line во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал спроведе 2 (две) редовни контроли на инвестициски фондови, по една редовна на Македонската берза АД Скопје и на Централниот депозитар за хартии од вредност и 3 (три) контроли на брокерски куќи.

Активности по барања на акционери за заштита на правата

Секторот за супервизијана пазарот на капитал постапуваше по 3 (три) барања за заштита на акционерски права.

Супервизорски активности

Комисијата за хартии од вредност даде согласност на Правилата за формирање и начинот на користење на Гарантниот фонд; Со средствата од гарантниот фонд се овозможува намирување на обврските на членките на депозитарот, кога ќе немаат доволно парични средства за порамнување на трговските трансакции со хартии од вредност. КХВ даде согласност на Правилата за тргување на Македонската берза АД Скопје. Со Правилата за тргување се регулира: начинот на запишување на јавно понудените хартии од вредност преку берза, предусловите за запишување, изразување на цената и количината на јавно-понудените хартии од вредност преку берза, одржување и времетраење на запишувањето на хартии од вредност преку берза, како и постапките за одвивање на запишувањето на јавно понудените хартии од вредност преку берза по модел на фиксна цена и минимална цена.

Регистар на акционерски друштва со посебни обврски за известување

Во декември, вкупно активни акционерски друштва се 157. Како што е познато, во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери или се котирани на овластената берза, односно исполнувањето на било кој од овие услови поединечно од страна на едно акционерско друштво, значи негово запишување во Регистарот на Комисијата.