Подзаконски акти

КХВ ги усвои Предлог Правилниците: Правилникот за сметковниот план, содржината на одделните сметки во сметковниот план на затворените фондови, како и формата и содржината на финансиските извештаи на затворените инвестициски фондови. Правилникот за методологијата за пресметување на ризиците од вложувањето во финансиските деривативни инструменти. Предлог Одлуката за утврдување на начинот на пресметување на приносот по удел во отворен инвестициски фонд и за пресметување на волатилноста на инвестициските фондови. Предлог правилниците и предлог одлуката се објавени на веб-страницата на КХВ на РМ за јавна расправа. Комисијата ги усвои следните правилници кои претходно беа објавени на веб-страната на Комисијата за јавна расправа: Правилникот за начинот и условите за обука и полагање на посебен стручен испит за инвестиционо советување Правилникот за изменување на Правилникот за формата и содржината на првичниот извештај за сопственост на член на надзорен, управен одбор или на одбор на директори на акционерско друштво со посебни обврски за известување, како и лицата со посебни одговорности и овластувања (Службен весник на РМ бр.6/2007) Правилникот за изменување и дополнување на Правилникот за формата и содржината на првичниот извештај за сопственост на акционер, извештајот за промена на сопственост на акционер и конечниот извештај за промена на сопственост на акционер (Службен весник на РМ бр.6/2007) Правилникот за изменување и дополнување на Правилникот за времето и начинот на обелоденување на ценовно чувствителни информации на акционерските друштва со посебни обврски за известување -Правилникот за сопствени средства на брокерска куќа; -Правилникот за годишни и шестмесечни финансиски неревидирани извештаи на банка со дозвола за работа со хартии од вредност ; -Правилникот за начинот на работење на друштвото за управување со инвестициски фондови ; -Правилникот за изменување и дополнување на Правилникот за формата и содржината на Проспектот и поканата за запишување и уплата на хартии од вредност ; -Правилникот за изменување и дополнување на Правилникот за начинот и постапката за запишување на хартии од вредност ; Правилникот за изменување и дополнување на Правилникот за содржината на барањето за одобрение за издавање на хартии од вредност по пат на јавна понуда.

Санкции

Акционерски друштва со посебни обврски за известување Комисијата го разгледа Извештајот во врска со објавите на ревидирани годишни финансиски извештаи за 2009 година и неревидирани полугодишни извештаи за првата половина на 2010 од АД-а со посебни обврски за известување кои се водат во Регистарот на Комисијата за хартии од вредност на Република Македонија и притоа одлучи: - за 27 акционерски друштва со посебни обврски за известување кои кумулативно, не доставиле годишен ревидиран финансиски извештај за 2009 година и полугодишен финансиски извештај за 2010 година да се поведе прекршочна постапка со предлог до прекршочната комисијата при Комисијата, да изрече мерка согласно член 242 од ЗХВ, глоба во износ од 4000 евра до 5000 евра за друшвото; - на 8 акционерски друштва кои не доставиле еден од извештаите, годишен или шестмесечен, да изрече административна мерка, за отстранување неправилности и незаконитости, согласно член 220 став 1 точка б од ЗХВ, со што друштвата би се задолжиле да го достават за објава недоставениот извештај; - на акционерските друштва кои со задоцнување доставиле извештај за објавување (полугодишен или годишен), да им се упати допис со укажување во иднина да ги почитуваат предвидените законски рокови за доставување за објава на извештаите. - на акционерските друштва кои доставиле извештај за објавување (полугодишен или годишен), но заради нецелосни или пропуштени податоци, односно информации, извештаите не им се објавени, да им се упати допис со укажување истите веднаш да ги искорегираат и достават преку модулот на КХВ за објавување; и - на нововнесените акционерски друштва (согласно измените и дополнувањата на Законот за хартии од вредност од 26-04-2010 година) во регистарот кои не доставиле полугодишен извештај, да им се упати допис со укажување истите веднаш да ги достават преку модулот на КХВ за објавување.

Одземање на дозвола за работа со хартии од вредност

Комисијата донесе решение за трајно одземање на дозвола за работење со хартии од вредност на Уни банка АД Скопје -Дирекција за работа со хартии од вредност издадена со Решение на Комисијата за хартии од вредност број 08-2338/3 од 16-11-2006 година и УП1 08-27 од 28/04/2010 година, за вршење на услуги со хартии од вредност, поради донесената одлука на Надзорниот одбор на Уни Банка со која Дирекцијата за работа со хартии од вредност ќе престане да врши услуги поврзани со хартии од вредност.

Обуки

Комисијата за хартии од вредност донесе 10 решенија за губење на правото на полагање на посебниот стручен испит за работа со хартии од вредност, заради изминување на 2(две) години од денот на завршување на обуката.

Регистар на акционерски друштва со посебни обврски за известување

Во октомври,, вкупно активни акционерски друштва се, 164. Како што е познато,, во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од, 1.000.000 евра во денарска противвредност и повеќе од, 50 акционери или се котирани на овластената берза,, односно исполнувањето на било кој од овие услови поединечно од страна на едно акционерско друштво,, значи негово запишување во Регистарот на Комисијата.