Дозволи за брокери

Комисијата издаде една дозвола за работење на брокер.

Усогласување со Законот за хартии од вредност

Централниот депозитар за хартии од вредност со Законот за хартии од вредност ги усогласи следните акти: а) статутот; б) правилата за работа; в) правилата за членство; г) правилата за однесување и дисциплина; д)правилата за арбитража на ЦДХВ и Берза. Со овие акти се обезбедува уште поголема заштита на инвеститорите, се регулира однесувањето на членките на ЦДХВ, се утврдуваат условите за прием во членство во депозитарот, се доуредува начинот на разрешување на споровите и.т.н. Македонската берза АД Скопје ги усогласи, а Комисијата за хартии од вредност даде виза на : а) Правила за членство и б) Правила за однесување и дисциплина на Македонската берза АД Скопје.

Регистар на акционерски друштва со посебни обврски за известување

Во јануари во Регистарот на Комисијата за хартии од вредност се водеа 157 акционерски друштва. Овие акционерски друштва по своето основање издале хартии од вредност по пат на јавна понуда или имаат основна главнина од 1.000.000 евра во денарска противвредност и повеќе од 100 акционери, или се котирани на берза.

Супервизорски (надзорни) активности на КХВ

Комисијата за хартии од вредност издаде две согласности за директори на дирекции за работа со хартии од вредност и тоа: 1.Викторија Трајчова Недановска да биде директор на Дирекцијата за работи со хартии од вредност и брокерско - посреднички услуги на Стопанска Банка АД Скопје; 2.Василка Николовска да биде именувана за директор Дирекцијата за работа со хартии од вредност на ТТК Банка АД Скопје.

Спроведени контроли

Во текот на јануари 2007 година, Комисијата за хартии од вредност изврши 1 (една) вонредна контрола над овластен учесник на берзата.

Активности по барања на акционери за заштита на правата

Секторот за контрола на пазарот на капитал постапуваше по 5 (пет) барања за заштита на акционерски права.

Обуки

Од 10 јануари до 26 истиот месец траеше пријавувањето на заинтересираните кандидати за следење на Првата обука на кадри за инвестициско советување, чиј старт е на 10 февруари. Интересот за професијата инвестициски советници е голем, па бројот на пријавени кандидати ја надмина предвидената квота од 30 лица. Пријавени се вкупно 123 кандидати. Комисијата за хартии од вредност на РМ ги подели во две групи, едната од 62 , а втората од 61 лице. Инвестициските советници на стручен и високо професионален начин ќе обезбедуваат услуги за своите клиенти поврзани со управување со портфолио на хартии од вредност по налог и за сметка на индивидуален клиент и инвестициско советување.

Меѓународни активности

По сугестија на претставникот на Светска Банка, а во соработка со ФСВЦ, во периодот од 15-19 јануари 2007 година КХВ беше домаќин на полскиот експерт Кристоф Грабовски, кој како волонтер на ФСВЦ беше ангажиран да изврши скенирање на македонската регулатива за пазарот на хартии од вредност, по што неговите предлози за унапредување на работата и активностите на КХВ станаа дел од Стратегијата за зајакнување на улогата и работата на нашата институција.