Извештај на Комисијата за хартии од вредност на Република Македонија ( КХВ на РМ) за мај 2017 година
06.06.2017

Регистар на акционерски друштва со посебни обврски за известување

​    Во мај , вкупно активни акционерски друштва беа 11. Во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери, освен друштвата котирани на берза.

Преземање на акционерски друштва

Комисијата за хартии од вредност на Република Македонија донесе Решение со кое понудата за преземање на акции издадени од "Технокомерц" АД Скопје што ја даде лицето Илија Филиповски се утврди за успешна.

  Понудата за преземање била прифатена од вкупно 22 сопственици на обични акции со право на глас во "Технокомерц" АД Скопје кои поседуваат вкупно 3.688 обични акции што претставува 16,76 % од вкупниот број на обични акции со право на глас.

    Врз основа на оваа понуда, преземачот Илија Филиповски се стекна со 3.688 обични акции и заедно со акциите што веќе ги поседува има вкупно 11.184 обични акции, што претставува учество од 50,84 проценти од вкупниот број на обични акции , издадени од "Технокомерц" АД Скопје.

Преземањето на хартиите од вредност се изврши по цена од 1000 денари по акција.

Дозволи за брокер

Во мај, Комисијата за хартии од вредност на Република Македонија му ја обнови дозволата за брокер на Сашо Дракуловски.

 

Спроведени контроли

​Во мај, Комисијата за хартии од вредност секојдневно он-лине во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал спроведе две контроли.

Активности по барања на акционери за заштита на нивните права

​Секторот за супервизија на пазарот на капитал во мај постапуваше по едно барање за заштита на акционерско право.