На оваа веб страна се користат колачиња кои не содржат лични податоци и служат со единствена цел за подобрување на корисничкото искуство. Со Вашето присуство на веб страната се подразбира дека се согласувате за користењето на овие колачиња. За повеќе детали во однос на заштитата на личните податоци прочитајте ја Политиката за колачиња.
Në këtë faqe të internetit përdoren biskota të cilat nuk përmbajnë të dhëna personale dhe shërbejnë me qëllim të vetëm për përmirësimin e përvojës së përdoruesit. Me prezencën Tuaj në faqen e internetit nënkuptohet se pajtoheni për përdorimin e këtyre biskotave (cookies). Për më tepër holllësi në lidhje me mbrojtjen e të dhënave personale lexoni Politikën e përdorimit të biskotave (cookies).
The website uses cookies that do not contain personal data and serve for the sole purpose of improving the user experience. Your presence on the website implies that you agree to the use of these cookies. For more details about personal data protection, please read the Cookie Policy.
Во декември , вкупно активни акционерски друштва беа 14. Во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери, освен друштвата котирани на берза.
КХВ донесе Решение со кое се одобри Барањето за одобрување на приватна понуда на хартии од вредност- трета емисија на акции на Акционерско друштво во државна сопственост за вршење на дејноста давател на услуги во воздухопловна навигација М-Нав.
КХВ во декември издаде дозвола за работење на брокер на Јосиф Костандиновски.
Комисијата за хартии од вредност на Република Македонија даде согласност Иван Штериев да биде именуван за Главен извршен директор на "Македонската берза" АД Скопје. Ова е уште еден нов мандат за Иван Штериев од четири години, кој функцијата Главен извршен директор на "Македонската берза" АД Скопје ја извршува од 2005-тата година до денес. Мандатот му е до 28 ноември, 2020 година. Инаку, Иван Штериев во "Македонската берза" АД Скопје работи уште од 1996 година.
Исто така, КХВ даде согласност во наредните шест месеци Јосиф Костандиновски да биде раководител на Одделот за работа со хартии од вредност при "ТТК Банка" АД Скопје.
Комисијата за хартии од вредност на Република Македонија на друштвото за управување со инвестициски фондови ВФП Фонд Менаџмент АД Скопје му даде одобрение да основа нов отворен инвестициски фонд - ВФП 100% Бонд.
Според инвестициската стратегија, ВФП 100% Бонд првенствено е наменет за инвеститори кои не сакаат своите средства да ги изложат на висок ризик и кои на среден рок сакаат да остварат атрактивен принос на своите средства. Како инвеститори на Фондот може да се јават сите домашни и странски правни и физички лица, како и специфични финансиски институции, кои имааат цел да менаџираат со својата среднорочна ликвидност. Друштвото ќе ги инвестира средствата на ВФП 100% Бонд во долгорочни и краткорочни обврзници, депозити кај домашни банки, удели во нискоризични инвестициски фондови и пари на сметка.
Според проспектот на фондот, средствата на инвеститорите ќе бидат инвестирани во Република Македонија и во земјите членки на Европската Унија, ОЕЦД и ЦЕФТА.
По ВФП Премиум Инвест и ВФП Кеш Депозит, ВФП 100% Бонд ќе биде трет фонд со кој управува друштвото за управување со инвестициски фондови ВФП Фонд Менаџмент АД Скопје.
Во декември, Комисијата за хартии од вредност секојдневно он-лине во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал спроведе две контроли.
Секторот за супервизија на пазарот на капитал постапуваше по две барања за заштита на акционерско право.