Подзаконски акти

Комисијата за хартии од вредност на Република Македонија во април разгледа два предлог Правилника и истите ги стави на јавна расправа со цел јавноста да ги каже своите забелешки во однос на подзаконските акти. Станува збор за : 1. Предлог Правилник за измена и дополнување на Правилникот за формата, содржината и начинот наводење на Регистарот на инвестициски фондови и начинот на утврдување на идентификацискиот број на инвестицискиот фонд ; 2. Предлог Правилник за дополнување на Правилникот за начинот и постапката за вршење надзор на правни и физички лица; По завршена јавна расправа, КХВ ги усвои следниве два Правилника: 1.Правилник за изменување и дополнување на Правилникот за формата и содржината на проспектот и поканата за запишување и уплата на хартии од вредност; 2.Правилник за изменување и дополнување на Правилникот за документите што ги доставува издавачот на хартии од вредност при поднесување на барањето за одобрение за јавна понуда на хартии од вредност;

Регистар на акционерски друштва со посебни обврски за известување

Во април , вкупно активни акционерски друштва беа 18. Во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери, освен друштвата котирани на берза.

Дозволи за брокер

Комисијата за хартии од вредност на Република Македонија издаде една дозвола за работење на брокер и тоа на лицето Андреј Богдановски.

Супервизорски активности

Комисијата за хартии од вредност на Република Македонија даде согласност на измените и дополнувањата на Правилата за тргување на Македонската берза АД Скопје, со кои се воведува нов тип на налог - налог по најповолна цена и истовремено се врши модифицирање на постојниот лимитиран налог. Налогот по најповолна цена е наменет за оние клиенти кои се подготвени да му дадат на брокерот право да одлучи кога ќе го реализира истиот. Имено, налогот е без дефинирана цена, но со утврдена количина од страна на клиентот. Брокерската куќа или овластената банка одлучува кога и по која цена ќе го реализира налогот, при што важат ценовните ограничувања за определената хартија од вредност. Со измените кои се вршат во однос на начинот на извршување на лимитираниот налог се воведува можноста клиентот да даде специфични инструкции за реализирање на лимитираниот налог, како и се доуредува обврската на брокерската куќа или овластената банка да ги преземе сите неопходни активности за извршување на налогот под услови кои се најповолни за клиентот, земејќи ги предвид цената, трошоците, начинот и брзината на реализирање, вредноста и карактеристиките на налогот на клиентот и други околности кои се важни за неговото извршување.

Спроведени контроли

Во април , Комисијата за хартии од вредност секојдневно он-лине во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал во април спроведе една контрола.

Активности по барања на акционери за заштита на правата

Секторот за супервизија на пазарот на капитал постапуваше по едно барање за заштита на акционерско право.