Подзаконски акти

Комисијата за хартии од вредност на Република Македонија во март разгледа два предлог Правилника и истите ги стави на јавна расправа со цел јавноста да ги каже своите забелешки во однос на подзаконските акти. Станува збор за : 1. Предлог Правилник за изменување и дополнување на Правилникот за формата и содржината на проспектот и поканата за запишување и уплата на хартии од вредност; 2. Предлог Правилник за изменување и дополнување на Правилникот за документите што ги доставува издавачот на хартии од вредност при поднесување на барањето за одобрение за јавна понуда на хартии од вредност.

Регистар на акционерски друштва со посебни обврски за известување

Во март , вкупно активни акционерски друштва беа 18. Во Регистарот се запишуваат друштвата кои се основани и работат во Република Македонија и притоа извршиле јавна понуда на хартии од вредност или имаат основна главнина од 1.000.000 евра во денарска противвредност и повеќе од 50 акционери, освен друштвата котирани на берза.

Согласности на директори на овластени учесници на пазарот на капитал

Комисијата за хартии од вредност на Република Македонија во март даде согласности за двајца директори на овластени учесници на пазарот на хартии од вредност и тоа: 1. Елена Јакимовска Петровска да биде именувана за Извршен директор на Централниот депозитар за хартии од вредност АД Скопје до 24 декември, 2018 година и 2. Дарко Сима да раководи со Одделот за работа со хартии од вредност на ТТК Банка АД Скопје со мандат од четири години.

Спроведени контроли

Во март , Комисијата за хартии од вредност секојдневно он-лине во реално време го следеше тргувањето на берзата и вршеше постојана посредна и непосредна контрола на овластените учесници на пазарот на хартии од вредност. Секторот за супервизија на пазарот на капитал во март спроведе една контрола.