Член 4, став (2) Критериуми за проценка на исполнување на условите за назначување на врзан застапник Член4 (2) При оценување на добрата репутација и углед на врзаниот застапник-физичко лице се зема предвид целата релевантна кривична и прекршочна евиденција имајќи го предвид видот на казнено-правната санкција, степенот во кој се наоѓа постапката, вложените правни лекови, изречените казни или други казнено-правни санкции, рехабилитацијата, постоење на отежителни и на олеснителни околности, важноста на казненото дело или прекршокот, времето кое поминало од сторување на делото и однесувањето на врзаниот застапник во тој период. Коментар/забелешка Согласно обемот на податоци кои се бараат, ИД нема можност да ги добие истите. Дали е ова обврска за ИД или регулаторот по службени канали ќе ги проверува овие податоци? Член 5, став (1) Форма, содржина и рок на достава на барањето за добивање на одобрение за работа на врзан застапник и барањето за запишување во регистарот на врзани застапници Член 5 (1) Инвестициското друштво е должно до Комисијата да поднесе барање за добивање на одобрение за работа на врзан застапник и барање за запишување во регистарот на врзани застапници, во писмена или во електронска форма, во рок од 8 (осум) календарски дена од денот на донесување на одлуката за назначување на врзан застапник. Прашање Дали е ова одлука која мора да биде донесена на ниво на УО? Член 5, став (2), точка (д), (е), (ж) Документација за добивање на одобрение за работа на врзан застапник Член 6 (2)Во случај кога врзаниот застапник е правно лице, кон барањето за добивање на одбрение за работа на врзан застапник и барањето за запишување во регистарот на врзани застапници, се приложува следната документација: д) список на физички лица, со следниве податоци: име, презиме, адреса и ЕМБГ на сите физички лица кои во правното лице-врзан застапник ќе ги извршуваат работите од член 118 став (2) од Законот; е) потврда за (не) постоење на кривична судска одлука; ж) потврда за (не) постоење на прекршочна судска одлука; Коментар/забелешка Треба да се избрише, дупло е со г) За кој период треба да се однесува оваа потврда? Дали треба да се бара само за правното лице или и за физичките лица во правното лице (законски застапници или останати физички лица кои ќе ги извршуваат услугите од член 118 од Законот)? Член 7, став (1) Обврската за запишување во регистарот на врзани застапници Член 7 (1)Комисијата води регистар на врзани застапници согласно Правилникот за формата, содржината и начинот на водење на регистри. Прашање Дали ист врзан застапник може да биде врзан застапник на повеќе ИД? Член 11, став (1) Останати одредби Член 11 (1)Одобрението за работа на врзан застапник се дава за период утврден во предлог договорот за ангажирање на врзан застапник или во одлуката за назначување на врзан застапник. Прашање Дали има ограничување на должината на овој рок?

Датум на коментар: 14.11.2024 13:46:13

Член 3, став (7) Заеднички одредби Член 3 (7) Известувањето од став (5) точка 2 од овој член задолжително содржи краток опис на преземените мерки за заштита на имотот на клиентите во однос на секој поединечен критериум наведен во овој Правилник, општа оценка на соодветноста на преземените мерки, евентуалните воочени недостатоци и препораки за отстранување на воочените недостатоци. Прашање Со која динамика треба да се спроведува овој надзор? Член 8, став (2), (5) и (6б) Заштита на паричните средства на клиентите Член 8 (2) Инвестициското друштво е должно редовно, а најмалку еднаш годишно да го преиспитува изборот на субјектот од член 5 ставови (1) и (3) од овој Правилник и договорените аранжмани кои се однесуваа на депонирањето на парични средства на клиентите, а кои можат да им нанесат штета на интересите на клиентите. (5) Доколку инвестициското друштво е должно да му исплати пари на клиентот (вклучително и евентуална камата), а доколку не е поинаку договорено со клиентот, мора без неопходно одложување, по правило во рамки на еден работен ден од денот кога клиентот дал налог за исплата, целосниот износ да го дозначи на сметката на клиентот, освен во случаите пропишани со закон кога не зависи од волјата на клиентот. (6) Инвестициското друштво склучува договор во писмена форма со некој од субјектите од член 5 ставови (1) и (3) од овој Правилник за депонирање на паричните средства, при што со договорот ќе се обезбеди и: • б) кога клиентот на инвестициското друштво нема да обезбеди парични средства при порамнување; Коментар/забелешка За субјектите од МК, предлагаме да се намали оваа динамика За каков налог за исплата станува збор? Што ќе направи банката/субјектот кај кој се водат паричните средства во ваков случај? Ако може појаснување на ситуацијата? Член 3, став (5) Инвестициското друштво кое чува финансиски инструменти и парични средства на клиентите е должно да именува едно лице кое има доволно знаење и стручност во врска со заштита на имотот на клиентите Прашање Согласно овластувањата дефинирани во потточките од овој став дали оваа улога треба да ја има лице од Compliance, но “доволно знаење и стручност” во врска со оваа услуга има само лице од дирекцијата кое директно и оперативно е вклучено во извршување на чувањето на имотот? Член 4, став (1) Забелешка: Да се преформулира реченицата каде што се споменуваат каматите во насока дека не секогаш се исплатува камата на сметката на која се евидентирани паричните средства. во пракса имало ситуации и со негативни камати кои се засметуваат на паричните средства на клиентите од страна на странските банки/депозитарни институции, но ваквата ситуација може да не е предвидена при отпочнување на соработката, туку покасно. Член 4, став (4) Забелешка: Реченицата каде се дава обврска друштвото да ја ажурира евиденцијата најмалку еднаш месечно, да се користи со терминот усогласување на евиденцијата. Во однос на точка 2 од овој став напоменуваме дека во пракса се отворени збирни сметки за хов кај странски депозитар/банка, каде вообичаено се врши усогласување на сметката што ја води субјектот каде што се депонирани средствата со интерната евиденција, по количина и ИСИН за секоја хртија од вредност, со реконсилијација. Член 7, став (1) и (3) Се јавува дилема, дали инвестициското друштво кое тековно чува финасиски инструменти и парични средства во странски депозитар, согласно овој член (а имајќи го предвид и членот 5, ставовите 1 и 2) треба да чува само финансиски инструменти во тој депозитар а паричните средства да ги депонира во банка? - Со оглед што во точка (1) е цитиран Правилник за содржина на ревизијата и за одбивање на годишните ФИ на инв друштво пазарен оператор и овластен депозитар, дали обврската од овој член се однесува и на Банките? Забелешка: овие договори меѓу инвестициското друштво и субјект странски депозитар/банка најчесто се формулари или template-и и многу е тешко да се сугерира да се додадат нови точки; став (3) содржината и условите, односно меѓусебната соработка е интерен и доверлив договор меѓу чуварот и суб-чуварот на хов и како деловна тајна за банката не би требало да се споделува со клиентите; Член 11, став (2) мерките за неовластено користење на финансиските инструменти, во точка 1 нејасно е, се мешаат паричните средства со хартиите од вредност; - Прашање: При воспоставување на корективни мерки ако трансакцијата не може да се изврши- кои се тие мерки и дали треба да ги преземе брокерот при склучување на трансакција? - Забелешка: Точка 3- кога се работи за трансакции со странски хартии од вредност, инвестициското друштво зависи од странскиот субјект и не може да делува, следењето е ограничено од информациите кои ги добива од суб-чуварот и чека непорамнетата трансакција да се порамни некој нареден ден, нема рок, не е пропишан; Член 12 став (1) Прашање: Дали договорот за финансиско обезбедување е посебен договор од договорот за чување на имотот на клиентите? Член 13, став (1) Коментар: Правилникот за годишни извештај , на кој се референција овој став , не се однесува за Банка. Дали Банката ќе има обврска за дополнителен извештај од независен ревизор кој ќе го гледа само чувањето, бидејки целиот правилник за чување се однесува на Банка? Забелешка: Да се преформулира дека “Извештајот за уверување во врска со соодветноста на мерките за заштита на финансискиот имот на клиентите” изготвен од страна на независен овластен ревизор, инвестициското друштво го доставува до Комисијата заедно со останатите извештаи еднаш во годината (по барање на Комисијата и почесто); Член 14, точка (6) Прашање: Дали под Документација од која може да се утврди сопственоста на клиентите над имотот се мисли на Извештаите за состојба на портфолио кои им се испраќаат на клиентите после порамнување на трансакциите? член 5 КОМЕНТАР: - Се јавува дилема (а согласно досегашната пракса) дали инвестициското друштво во Банка ќе може да чува само парични средства како дел од имотот на клиентот, а не и финансиски инструменти? Односно, што се случува со домашните банки кои се чувари на хартии од вредност? - Дали согласно член 5, став 4, во договорот со клиентот треба да биде вклучена и информација дека имотот на клиентот кој се чува во согласност со ставовите 2 и 3 не е заштитен согласно Законот и Правилникот?

Датум на коментар: 14.11.2024 13:50:04

Член 5, став (1) и (2) Ниво на точност за членовите на регулиран пазар и на учесниците на други места за тргување Член 5 (1) Членка на регулиран пазар и учесник на место на тргување обезбедува дека временскиот печат што се користи за запис на времето и датумот на настаните за кои известува се придржуваат до нивото на точност наведено во Табела 2 од Прилог 1 на овој Правилник. (2) Кога членките на регулиран пазар или учесници на место на тргување учествуваат на повеќе видови активности на тргување треба да обезбедат системите што ги користат за временски печат за запис на време и датум за настаните за известување да се придржуваат до соодветното ниво на точност применливо за соодветната активност за тргување во согласност со барањата во Табела 2 од Прилог 1 на овој Правилник. Прашање - Дали ќе биде потребно членката на регулиран пазар да обезбеди соодветен документ како доказ за начинот на кој се обезбедува временскиот печат или истото ќе биде обезбедено од страна на операторот? - Каква ќе биде процедурата доколку станува збор за тргување во странство преку платформи или преку странски брокер, дали ќе треба да се достави од страна на странскиот оператор соодветна документација? Член 6 став (1) Усогласеност со барањата за дозволено максимално отстапување Член 6 (1) Операторите на место на тргување и нивните членови и учесници се должни да воспостават систем на следење до UTC. Тие се должни да докажат следливост до UTC со документирање на дизајнот, функционирањето и спецификациите на системот. Тие треба да се во можност да го идентификуваат точниот момент во кој се евидентира временскиот печат и да докажат дека моментот во системот каде што се применува временскиот печат останува конзистентен. Коментар Дали следливоста до UTC ќе треба да се побара од операторот и на кој начин ќе се реализира проверката?

Датум на коментар: 14.11.2024 13:52:13

Член 7 став (1) Содржина на извештаите и роковите за известување Член 7 (1) Инвестициското друштво е должно да ја извести Комисијата во врска со сите вработени чии поединечни вкупни годишни примања во финансиската година го надминуваат износот од 50.000,00 евра во денарска противвредност. Прашање Дали се однесува на бруто или нето примања?

Датум на коментар: 14.11.2024 13:53:45

Коментар 1 Во член 3 дадени се дефиниции на поимите кои се употребуваат во Правилникот. Со точка 5 дефинирано е значењето на поимот вработен. Во смисла на Правилникот, вработен е физичко лице кое врши одредени работи за инвестициското друштво врз основа на договор за вработување или друг договор склучен со инвестициското друштво, а вработен се смета и прокурист и членови на надзорниот одбор на инвестициското друштво. Дефиницијата која ги опфаќа сите физички лица кои вршат одредени работи, а со кои друштвото склучило било каков договор сметаме дека е преширока и не е соодветна на нивото на развиеност на пазарот на капитал во Република Северна Македонија. Свесни сме дека оваа дефиниција е во насока на усогласување на македонското право со правото на Европската Унија, но доколку сите лица кои вршат одредени работи за инвестициското друштво, а со кои друштвото склучило било какви договори потпаднат под дефиницијата на вработен, значително ќе се забави развојот на пазарот на капитал, кој и онака не е развиен на нивото на пазарот на ЕУ. Во врска со ова, значајно е да се напомене дека MIFID II во ЕУ е донесена во услови на веќе развиен пазар на капитал. Дополнително, искуствата од земјите членки на Унијата во чии рамки функционираат сериозни пазари на капитал укажуваат на сериозни предизвици при примената на одредени сегменти на MIFID II регулативата. Исто така, веруваме дека Правилникот отвора дилеми и од облигационоправна природа. Имено, сметаме дека Законот за облигационите односи, кој ги уредува видовите на договори во македонското законодавство, не предвидува ниту еден соодветен договор за регулирање на права и обврски со фиксен надоместок за лицата кои друштвото би ги ангажирало за, на пример, информирање за инвестициски услуги и финансиски инструменти. Договорот за посредување, кој веројатно е најсоодветен за ангажирање на лица за вршење на работи во инвестициско друштво, како генерално правило, предвидува дека посредникот стекнува право на надомест во моментот на склучувањето на договорот за кој посредувал.Преведено во реална ситуација, ова значи дека инвестициските друштва ќе мораат да ги исплатат лицата ангажирани за вршење на работи во инвестициско друштво по склучување на договор, што оневозможува утврдување на фиксен надоместок. Дополнително, ова би ги приморало инвестициските друштва да го дефинираат основот за исплата на варијабилни надоместоци преку квантитативни критериуми, што е спротивно на духот на правилникот. Сметаме дека начинот на кој се плаќаат лицата кои согласно моментално важечките законски решенија вршат услуги на информирање и упатување на корисниците за инвестициски услуги и финансиски инструменти е во согласност и со нивото на развој на пазарот на капитал во Македонија, но истите се во согласност и со заштитата на најдобрите интереси на клиентите. Моментално, должноста за информирање на клиентите за сите клучни информации е успешно имплементирана од страна на субјектите на Законот за инвестициски фондови. Клиентите се информирани за сите надоместоци, провизии и трошоци кои ги имаат, како и за сите информации кои се од важност за донесување одлука од страна на клиентот. Пазарот на капитал во Македонија е се уште во рана фаза на развој и треба се уште да се развива за што е потребно законодавецот да има полиберални критериуми од тие во државите-членки на ЕУ кои се значајно поразвиени во обемот на пазарот на капитал. Доколку законодавецот пристапи кон прекумерна регулираност ќе има голем ризик по инвестициските друштва, односно ќе бидат доведени во прашање нивниот раст, развој, но и опстанок. Со оглед на тоа дека во најголем дел би биле усогласени со правото на ЕУ (со донесувањето на новиот Закон за финансиски инструменти), сметаме дека законодавецот треба да усвои полиберални критериуми споредбено со тие на ЕУ, дотолку повеќе што Република С.Македонија нема обврска да биде целосно усогласена со правото на ЕУ. Во контекст на ова значајно е да се напомене дека според искуството кое го пренесуваат инвестициските друштва во државите-членки на ЕУ, истите имаат последици по развојот на индустријата токму заради пререгулираноста на пазарот на капитал во самата ЕУ. Веруваме дека во ситуација кога имаме можност нашата регулатива да е поедноставена во споредба со таа на ЕУ, секако не занемарувајќи ги духот на правото на ЕУ, политиката за ризици и пред се заштитата на најдобрите интереси на клиентите, би имале здрава основа обемот на пазарот на капитал да биде зголемен, па со пристапот на РСМ кон ЕУ да бидеме подготвени за целосно имплементирање на регулативите на ЕУ. Со оглед на тоа, а врз основа на фактот дека пазарот на капитал во РСМ е значајно помал од скоро сите држави-членки на ЕУ, сметаме дека постојат релевантни причини за промена на конкретната дефиниција за вработен со што нашиот предлог е истата да гласи: “Вработен е физичко лице кое врши одредени работи за инвестициското друштво врз основа на договор за вработување, а вработен се смета и прокурист и членови на надзорниот одбор на инвестициското друштво”. Коментар 2 Член 5 став 7 Сметаме дека праговите, како и условите кои се исклучок во оваа одредба треба да се регулираат како што се регулирани во Директивата на Европскиот Парламент бр.2019/2034, како и во одредени држави-членки на ЕУ (пр. Članak 56.b, Zakon o tržištu kapitala - Narodne novine br. 65/18, 17/2020 i 83/2021 - Р.Хрватска), односно сметаме дека - во чл.5 ст.7 во првата реченица точка 11 треба да се замени со точка 12, - прагот во точка 1 (25.000.000,00 евра) да се замени со 100.000.000,00 евра и - прагот во точка 2 (12.000.000,00 евра) да се замени со 50.000,00 евра, односно сметаме дека чл.5 ст.7 од Правилникот треба да гласи: “(7) Одредбите од став (1) точка 10,11 12 и став (6) на овој член не се применуваат на: 1. инвестициско друштво, ако вредноста на билансната и вонбилансната актива на инвестициското друштво во период од четири години кој непосредно претходи на одредена финансиска година е во просек 100.000.000,00 евра во денарска противвредност или помала од тој износ 2. лице чиј годишен варијабилен надоместок не надминува 50.000,00 евра во денарска противвредност и не претставуваат повеќе од една четвртина од неговите вкупни годишни примања”. Исто така, сметаме дека и чл.7 ст.1 од Правилникот треба да биде усогласен со Директивата на Европскиот Парламент бр.2019/2034односно прагот од 50.000,00 евра да се замени со 1.000.000,00 евра, со што чл.7 ст.1 би гласел: (1) “Инвестициското друштво е должно да ја извести Комисијата во врска со сите вработени чии поединечни вкупни годишни примања во финансиската година го надминуваат износот од 1.000.000,00 евра во денарска противвредност. Таквите извештаи мора да содржат податоци за: 1. бројот на тие вработени, 2. опис на работните места и одговорностите на тие вработени, 3. деловните единици во кои се вработени тие вработени и 4. износнот на вкупните надоместоци на тие вработени поделени на фиксни примања, готовински варијабилни примања, финансиски инструменти, дискрециони пензиски бенефиции и други примања”.

Датум на коментар: 14.11.2024 13:51:01

Член 10 став (6) Добар углед односно репутација, чесност, искреност и совесност на член на орган на управување Член 10 (6) Потребно е да се земат предвид и ситуациите кои се однесуваат на претходните и на сегашните деловни резултати на правните лица каде кандидатот имал значаен удел или раководна функција и финансиската состојба на кандидатот за член на органот на управување или органот на надзор со оглед на нивното потенцијално влијание на угледот односно репутацијата на кандидатот: 1. дали имотот на кандидатот би го довел во прашање исполнувањето на неговите финансиски обврски во иднина; 2. дали кандидатот се наоѓа на пописот на должници (кредитен регистар, листа на даночни должници и слично); 3. финансиски и деловни резултати на субјект кој е во сопственост на кандидатот или со кој тој управува, односно со кој кандидатот имал или има значаен удел или вилјание, со посебен осврт на стечајни и на ликвидациони постапки, како и доприносот на кандидатот со кој дошло до таа постапка како и начинот на кој допринел; 4. дали против него се водат граѓански парници, административни или кривични постапки. Коментар/забелешка Сметаме дека се ова информации кои навлегуваат премногу во приватната сфера на кандидатот, а не се нужно поврзани со управувањето со правното лице – подносител.

Датум на коментар: 14.11.2024 13:56:00