Член 9 став 1 т.20 предвидува Друштвата до Комисијата да доставуваат Правилник за спречување на злоупотреба. Сметаме дека оваа формулација не укажува каков тип на злоупотреба треба да биде опфатен со истоимениот правилник. Бараме називот на правилникот да се надогради со формулација која директно ќе укажува на материјалниот опфат на правилникот.

Датум на коментар: 07.06.2022 10:02:15

- Во Член 3 не е предвидена одредбата за пресметување и изразување на нето вредноста по удел и вкупниот број на удели на отворениот инвестициски фонд во четири децимални места (која беше дефинирана во Член 4 став (6) во стариот Правилник). Дали отсуството на оваа одредба во новиот Правилник значи промена во досегашниот начин на прикажување на вкупниот број на удели и цената на уделот на отворениот инвестициски фонд? - Во Член 4 и во Член 8 неопходно е да биде предвидена одредба дека Депозитарната банка треба да биде запознаена со начелата и политиките за проценка на средствата и обврските на отворениот инвестициски фонд усвоени или ажурирани од страна на Друштвото, заради усогласеност во ставовите на двете страни во однос на начинот на проценка на средствата на отворениот инвестициски фонд. - Во однос на Член 12 став (1) со предложената одредба “...основицата која ја сочинува вкупната вредност на имотот на фондот се намалува за износот на обврските на фондот врз основа на вложувањата во финансиски инструменти.” се подразбира дека се менува основицата за пресметка на надоместоците на друштвото за управување и надоместокот на депозитарната банка. Согласно стариот Правилник (Член 14 став (1)) основица за пресметка на овие надоместоци беше нето вредноста на имотот на фондот (се земаа во предвид вкупните обврски евидентирани за фондот), а согласно одредбата во новиот Правилник треба да се земат во предвид само обврските по основ на вложување на средствата на фондот во финансиски инструменти. Дали со ново предложената одредба се планира да се промени основицата за пресметка на споменатите надоместоци? - Во однос на Член 13 став (3) дали со ваквата одредба значи дека барањата за откуп на удели примени во неработен ден треба да се обработат по цената на уделот утврдена за првиот нареден работен ден? Со оглед дека цена на уделот на фондот се утврдува за секој ден во месецот, оттука заради заштита на интересите на вложувачите во фондот, оправдано е барањето за откуп на удели да се евидентира во обврски на фондот по цена на удел која се утврдува за неработниот ден кога е примено барањето за откуп.

Датум на коментар: 07.04.2022 14:05:47

1. Согласно член 2, став 3 и 4, се поставува следново прашање: Дали посебното лице кое ќе ја извршува услугата инвестициско советување и/или управување со портфолио може и да тргува за име и за сметка на клиентите на брокерската куќа/овластена банка? Објаснување: Поголемиот број на брокерските куќи/овластени банки кои имаа дозвола од КХВ на РСМ за вршење на услугите в) и е) од моментот на нивното основање до денес немале ниту еден клиент на кој му била дадена оваа услуга. Од таа причина, сметаме дека е од оперативно значење брокерските куќи/овластени банки ова посебното лице да може и да тргува за име и за сметка на клиентите на брокерската куќа/овластена банка. Во врска со член 2, став 4, предлагаме наместо предложените 4 лица во редовен работен однос, за брокерските куќи/овластени банки кои би ги вршеле сите услуги согласно член 94 од ЗХВ, да остане истиот критериум како и досега, најмалку три лица вработени во брокерските куќи/овластени со соодветни лиценци. Исто така, доколку брокерските куќи/овластени банки од различни причини не нудат одредена услуга од лиценцата, се поставуваат следниве прашања: Дали одредена услуга може да биде ставена во мирување (пр. Портфолио менаџмент)? Ако ваквата услуга биде ставена во мирување соодветно да не се ангажира посебно лице за истата од минимум наведените вработени лица? Доколку мора да се ангажира посебно лице, истото да може и да тргува за име и за сметка на клиентите на брокерската куќа/овластена банка? 2. Во врска со член 3, став 1, точка в) се поставува следново прашање: Што претставува доказ за работното искуство во областа на управување со портфолио? Објаснување: Имајќи го во предвид член 4, став 3 од Правилник за начинот на вршење на работите на управување со средства (портфолио) по налог и за сметка на индивидуален клиент и инвестиционо советување за хартиите од вредност и другите финансиски инструменти во кои може да се вложуваат средствата на клиентот, дали за работното искуство ќе се смета и работењето на лице( овластен инвестициски советник) вработен во брокерските куќи/овластени банки кои имаат дозвола од КХВ на РСМ за вршење на услугите в) и е) од член 94 од ЗХВ. 3. Согласно член 3, став 1, точка д) сите брокерските куќи/овластени банки треба да ангажираат овластен ревизор кој ќе биде одговорен за извршување на внатрешната ревизија. Кај овластените банки, ова лице е вработено во соодветните одделенија за внатрешна ревизија. Овластен ревизор, како и правното лице каде што ова лице е вработено, не смее да биде ангажирано за вршење на законската ревизија на финансиските извештаи на брокерските куќи/овластени банки. Објаснување: Ве молиме КХВ на РСМ да има предвид дека на овој начин драстично ќе се зголемат оперативните трошоци особено на помалите брокерските куќи. 4. Согласно член 3, став 1, точка ѓ), кај сите овластените банки, лицето одговорно за извршување на функцијата на управување со ризиците е вработено во соодветните одделенија за ризици. Дополнително, се поставува следново прашање: • Дали лицето одговорно за извршување на функцијата на управување со ризиците може да биде и некој од вработените (брокери/инвестициски советници) во брокерските куќи? 5. Согласно член 3, став 1, точка г), лицето одговорно за следење и почитување на законите и другите правни прописи и правила може да биде еден од вработените во брокерските куќи/ овластени банки. Дополнително, се поставува следново прашање: • Дали лицето одговорно за следење и почитување на законите и другите правни прописи и правила кај овластените банки може да биде вработен во Одделение за контрола на усогласеност на работењето на банката? • Дополнително, во врска со член 3 точките г), д) и ѓ), (интерна ревизија, compliance, ризици) се поставува прашање дали овие лица треба да бидат: а) раководните лица на наведените организациони единици од банката, б) други лица од тие единици или в) лице од брокерскиот оддел? 6. Во врска со член 8 се поставува следново прашање: • Дали овој член се однесува и за тргувањето на странски пазари? • Појаснување на чл. 8, став 2), алинеа 5: Дали се мисли изводите дека треба да бидат потпишани само во хартиена или и во електронска форма? • Појаснување на чл. 8, став 2), алинеа 6: Што се подразбира под секундарна база на податоци? Предлагаме да се исфрли целата реченица, бидејќи континуитет може да се обезбеди и преку бекап, не мора да има секундарна база на податоци. • Појаснување на чл. 8, став 2), алинеа 8 и алинеа 9: Каков тип на информации се бараат? Објаснување: Имајќи го во предвид член 8, став 3 и 5 се добива впечаток дека овој член се однесува само за тргувањето на домашниот пазар. 7. Во врска со член 8, став 3 се поставува следнoвo прашањe: • Дали брокерските куќи/овластени банки можат да користат друг провајдер на услуги во областа на прием и пренос на налози по електронски пат? Објаснување: Имајќи го во предвид член 5, став 8 и 9 од Правилникот за содржината и начинот на водење на книгата на налози, овластеното правно лице може да прима налози по електронски пат и со користење на други медиуми за електронска комуникација. Посочуваме дека треба да се има во предвид и Закон за електронски документи, електронска идентификација и доверливи услуги. 8. Забелешка на член 9, став 2 • Кај банките генерално сите овие информации се содржат во повеќе различни документи (политики за сигурност, итн.). Предлагаме да не се прави посебен акт само за услугите поврзани со хартии од вредност, со оглед што истите се содржани во споменатите општи акти. 9. Во врска со член 11, став 2, алинеа 16 предлагаме: • Стратегија на управувањето со ризици при извршување на услугата инвестиционо советување и управување со портфолио, да се направи доколку брокерската куќа/овластена банка ја нуди оваа услуга на клиентите. 10. Предлог во однос на актите предвидени со Предлог – Правилникот кои се однесуваат на целата банка. • За актите предвидени со Предлог – Правилникот, а кои се однесуваат на целата банка, а со тоа и на брокерскиот оддел со цел доказ за усогласеност со Правилникот, истите да се дадат на увид во просториите на банката, поради нивната доверливост и неможност за издвојување дека се аплицираат само на брокерските активности. 11. Во врска со член 15, став 3, Комисија за работење со хартии од вредност при Македонската банкарска асоцијација смета дека усогласувањето со овој Правилник треба да се одложи најкасно до 31.12.2022 година. 12. Во врска со член 15, став 4, брокерските куќи/овластени банки треба да ги усогласат сите актите согласно член 11 од овој Правилник. Се поставува следново прашање: • Дали брокерските куќи/овластени банки смеат за дел од услуги за кои имаат добиено дозвола од КХВ на РСМ да не ги нудат на своите клиенти ? Пример: Поради одлука од страна на повисокиот менаџмент за не давање на одредена услуга?

Датум на коментар: 23.03.2022 12:57:03

Во член 9 став (3) алинеја 4 Комисијата ja предвидува следната квалификација за лицето одговорно за усогласеност со законски прописи: - доказ за завршено да има завршено четиригодишно високо образование VII/1 или студирал според Болоњската декларација и има 240 кредити според европскиот кредит - трансфер систем (ЕКТС) од областа на економијата, финансиите или правото за лицето одговорно за контрола на усогласеноста на работењето на друштвото за управување со прописите. Според студиската програма на правните факултети во Р. Северна Македонија, студентите на правни студии се стекнуваат со диплома за завршено образование со стекнати 180 кредити според европскиот кредит - трансфер систем (ЕКТС). Сметаме дека цитираната одредба треба да претрпи промени со што за лицето одговорно за усогласеност со законски прописи со академска позадина од правото треба да се предвиди квалификација со стекнати 180 кредити според европскиот кредит - трансфер систем (ЕКТС). Подолу, извадок од Одлуката за правила на студирање на прв циклус студии (додипломски студии) и на втор циклус студии (постдипломски студии) на Универзитетот „Св. Кирил и Методиј“ во Скопје – Правен факултет „Јустинијан Први“ – Скопје со линк за преземање во изворна форма " VI. ЗАВРШУВАЊЕ НА СТУДИИТЕ Член 33 Студентот ги завршил студиите од прв циклус кога ќе ги положи сите испити и ќе ги исполни сите обврски предвидени со студиската програма. Со завршувањето на студиите од прв циклус, студентот се стекнува со најмалку 180 кредити." ВФП Фонд Менаџмент АД Скопје http://pf.ukim.edu.mk/wp-content/uploads/2021/09/%D0%9E%D0%94%D0%9B%D0%A3%D0%9A%D0%90-%D0%97%D0%90-%D0%9F%D0%A0%D0%90%D0%92%D0%98%D0%9B%D0%90-%D0%9D%D0%90-%D0%A1%D0%A2%D0%A3%D0%94%D0%98%D0%A0%D0%90%D0%8A%D0%95-%D0%9D%D0%90-%D0%9F%D0%A0%D0%92-%D0%A6%D0%98%D0%9A%D0%9B%D0%A3%D0%A1-%D0%A1%D0%A2%D0%A3%D0%94%D0%98%D0%98-%D0%98-%D0%9D%D0%90-%D0%92%D0%A2%D0%9E%D0%A0-%D0%A6%D0%98%D0%9A%D0%9B%D0%A3%D0%A1-%D0%A1%D0%A2%D0%A3%D0%94%D0%98%D0%98-%D0%9D%D0%90-%D0%9F%D0%A0%D0%90%D0%92%D0%9D%D0%98%D0%9E%D0%A2-%D0%A4%D0%90%D0%9A%D0%A3%D0%9B%D0%A2%D0%95%D0%A2-%E2%80%9E%D0%88%D0%A3%D0%A1%D0%A2%D0%98%D0%9D%D0%98%D0%88%D0%90%D0%9D-%D0%9F%D0%A0%D0%92%D0%98-%D0%92%D0%9E-%D0%A1%D0%9A%D0%9E%D0%9F%D0%88%D0%95.pdf

Датум на коментар: 16.02.2022 17:10:25