Во насока на исполнување на едукативната функција на КХВ и континуираните заложби за поголема финансиска писменост на населението, Претседателот на КХВ М-р Нора Алити потпиша Меморандум за соработка со Извршниот директор на Фондацијата "Академија за банкарство и информатичка технологија - АБИТ" – Скопје, како дел од групацијата на ПНУ „Институт за бизнис и менаџмент ХАЈДЕЛБЕРГ – Скопје, Доц. Д-р Синиша Наумоски.

- Сакаме преку современи концепти на специјалистичко образование и практичен пристап, како и преку развивање на серија алатки и иницијативи  кои ги препознаваат европските трендови,  да даваме придонес за финансиска едукација во земјава и да градиме култура на добро корпоративно управување . Затоа, Комисијата за хартии од вредност ќе даде силна поддршка на секоја иницијатива на АБИТ која значи усовршување и унапредување на знаењата и вештините од областа на пазарот на капитал и финансискиот систем воопшто. При потпишувањето на Меморандумот за соработка, во седиштето на Комисијата за хартии од вредност на РМ , и двете страни изразија задоволство што  партнерскиот однос кои досега го манифестираа, се заокружи и со Меморандум за соработка со кој се предвидува градење на  долготрајната партнерска соработка меѓу КХВ и АБИТ.